Мектеп ортасында сыбайлас жемқорлыққа қарсы мәдениетті қалыптастыру, сыбайлас жемқорлыққа төзбеушілікті көрсететін құндылықтар жүйесін сақтау және нығайту, оның ішінде оқушылардың заң талаптарын сақтауға, білім беру және мәдени деңгейін арттыруға ұмтылысын қалыптастыру мақсатында "Адал Ұрпақ"ерікті клубы жұмысын жалғастыруда. Жоспарға сәйкес, ақпан айында мектепте "Біздің таңдауымыз — құқықтық мемлекет"атты дөңгелек үстел өткізілді. Қатысушылар 7 сынып оқушылары болды. Оқушылар ҚР Конституциясымен, Бала құқықтары туралы Конституция баптарымен, Тұңғыш Президентіміз Н.Ә.Назарбаевтың еңбектерімен танысты. Тапсырмалар мен сұрақтар азаматтықты, патриоттық сезімді, өзін-өзі бағалауды дамытуға қызмет етті. Сондай-ақ балалар негізгі мақсаттар мен міндеттерді талдап, анықтауды үйренді.