Наурыз мейрамын мерекелеуге арналған жоспарға сәйкес бүгін «Шымырлық пен шеберлік күні» күніне орай мектебімізде ұлттық спорт түрлері: асық ату, ләңгі, тоғызқұмалақ, арқан тартыс, қап киіп жарысу, садақ ату сияқты спорт түрлерін кеңінен насихаттау бойынша іс-шаралар өткізілді. Бұл спорттық іс-шаралар оқушылардың бойында патриотизмді: Отанға деген сүйіспеншілік пен салауатты өмір салтын насихаттау, ұлттық спорт түрлерінің шығу тарихымен таныстыру, оқушыларды дене шынықтыру және спортқа баулуға бағытталған. Жолдастық, ұжымшылдық сезімін тәрбиелеу. Сайыс соңында қатысушыларға грамоталар мен сыйлықтар табыс етілді.